طريقة لعمل البسبوسة

السلام عليكم

شلونكم

شوفوا بنيات

البسبوسه نعمله بهذه الطريقة وتطلع شي

جربوها وماتندمون


المقادير:

كيلو سميد ناعم

نصف كيلو جوز الهند ناعم

2 علبه زبادي

ملعقتين زبده او سمنه بس بلاهم احسن عشان الريجيم

بيضتين

ربع كيلو سكر

نصف كوب زيت

ملعقتين كبيرتين بايكنج باودر

لوز مقشر( اذا ما كان مقشر حطيه في ماء ساخن خمس دقائق وبعدين تقدرين تقشرينه بسهوله)

القطر: اربع اكواب سكر - كوبين ماء - اربع ملاعق عصير ليمون - فانيليا


الحين

الطريقه:

1- اخلطي المقادير الناشفه

(السكر-السميد-جوز الهند-البايكنج باودر)

2- ضيفي عليهم الزيت والزبده او السمن واخلطي

3- اكسري البيض وامزجيه شوي وضيفيه على الخليط

4- خففي الزبادي بربع كوب ماء دافيء وضيفيه على الخليط

واخلطي

5-ادهني صينيه بالزبده وصبي الخليط فيها وانتضري دقيقتان بعدين صفي حبات اللوز على الوجه

ودخليها الفرن لمده نصف ساعه على درجه 180

6-بعد ماتطلعينها من الفرن صبي عليها القطر ولا تحاولين تقطعينها او ترفعينها من الصينيه الا بعد ماتبرد


وبالعافيه عليكم